Villa Rosa, Episode 1057
Season 6, Episode 1057
Watch Full Episodes of Villa Rosa Season 6
Duncan en sy Linden koor geniet die naweek net soveel as die inwoners, maar na die Paaseier-jag moet hulle groet. Charl en Isabel probeer Kupido speel maar Anthony spring hulle voor.
Lindie doen haar bes om haar vriendskapsbande met Sussie en Fritz te versterk. En Mike kry 'n terugslag, maar dit bring hom nie van stryk nie.
Anthony en Carla is uiteindelik eerlik met mekaar oor hulle gevoelens. Marius maak 'n belangrike besluit oor sy verhouding met Kriek en Mike gee Astrid en Vis 'n finale waarskuwing.
Fritz is bekommerd oor Marius se planne om met Kriek te trou. Isabel en Charl is haaks, terwyl die liefde tussen Anthony en Carla blom.
Sussie is nie bereid om langer na Lindie se mooipraatjies te luister nie. Charl en Isabel maak halfhartig vrede terwyl Anthony en Carla sukkel om hulle nuwe liefde weg te steek.
Marius het groot planne om Kriek te vra om te trou. Sy is egter al een wat nie daarvan weet nie. By die Villa kruip Henk al dieper in sy dop in tot Prof se frustrasie.
Isabel bereik breekpunt. Mike kom agter Astrid voer iets in die mou maar verkies om eers stil te bly en Fritz raak toenemend bekommerd oor Henk.
Lindie stel 'n ultimatum aan Astrid, en Charl en Mike meet kragte. Die nuus van Kriek en Marius se mislukte verhouding versprei vinnig deur die Villa.
Henk gaan terug skool toe. Lindie probeer hard om weer Fritz en Sussie se guns te wen. Kriek hou vol sy is verlig dinge tussen haar en Marius is verby.
Vicky belowe vir Marius sy sal hom help om Lindie uit Bakgat te hou. Astrid lig vir Lindie in dat hulle sake doen op haar terme of glad nie.
Hein is opgewonde omdat sy ouers kom kuier, maar Sussie is benoud om hulle te ontmoet. Mike sit Astrid op haar plek en dinge tussen hom en Lindie raak vuurwarm.
Petrus is baie opgewonde oor die moontlikheid van 'n nuwe beroep. Almal wonder of die Koekemoers weer gaan kom moeilikheid maak noudat Hein se ma in die Villa tuisgaan.
Daar is groot opgewondenheid by die Villa omdat die Koekemoers kom kuier. Petrus se ydelheid laat hom in diep waters beland, en Lindie maak vir Mike 'n aanbod wat hy nie kan weier nie.
Mike verseker Lindie hy wil saam met haar werk maar Astrid en Lindie stamp steeds koppe. Charl se ego lei skade. Dan daag iemand onverwags by Astrid se kantoor op.
Mike wil Dougie oorreed om saam met hom en Lindie te werk. Fritz is bekommerd oor Charl en Isabel se huwelik. Intussen gaan die onderhandelings tussen Astrid en Dougie voort.
Petrus oefen vir sy eerste fotosessie en Hein konfronteer sy ma. Astrid soek versigtig toenadering tot Mike, terwyl Lindie, Dougie steeds probeer oorreed om eerder saam met haar te werk.
Charl kom gehawend by die Villa aan. Die dag van Petrus se fotosessie het uiteindelik aangebreek. Dougie kom agter hoe vinnig alliansies kan swaai wanneer daar geld betrokke is.
Mike verseker Charl sy geheim is veilig by hom. Charl pak sy huwelik met hernude geesdrif aan. 'n Flambojante karakter daag by Astrid se kantoor op, en Mike rig 'n waarskuwing aan Dougie.
Daar is probleme by Astrid se fabriek en sy vermoed Dougie is betrokke. Petrus se modelloopbaan vat vlam en hy besluit om die Villa te verlaat. 'n Interessante gas daag onverwags op.
Petrus is opgewonde oor sy nuwe lewe. Sussie probeer steeds haar skoonma se guns wen. En Henri die skilder en haarkapper raak beter bevriend met Astrid en Sussie.
Die aantreklike nuwe inwoner by die Villa bekoor almal maar Charl is nie so seker van sy motiewe nie. Astrid is moeg vir Mike wat sy voete sleep en eis onmiddelike resultate.
Fritz vind uit daar is twee toegewyde sokkerondersteuners in die Villa. Anthony is geskok wanneer Mike by hom om hulp kom aanklop. Stef hoor van die Villa se skat.
Anthony probeer uitvind waar Petrus seergekry het, maar kry niks uit hom of Mike nie. Henri moet besluit op 'n naam vir sy haarsalon by die Villa en Carlo steek iets vir sy ma weg.
Dougie, Mike en Astrid besluit om nog een laaste keer te probeer om 'n transaksie te doen. Elsa en Sussie geniet mekaar se geselskap, en Petrus is terug by Bakgat.
Dis die opening van Eagle Creek. Astrid en Mike beplan hulle volgende transaksie sonder Dougie. Petrus is depressief, en Astrid is nie gelukkig wanneer sy Vis en Lindie bymekaar sien nie.
Mike vat Lindie vas. Henri is senuweeagtig oor Le Knipé se amptelike opening. Lindie verklaar oorlog teen Astrid.
Dougie is ongeduldig en dreig om te verkas. Astrid probeer om nog tyd te koop. Hein probeer Marius waarsku iemand uit sy verlede is terug maar kry hom nie in die hande nie.
Astrid wil van Dougie ontslae raak. Lindie weet Chris speel kat en muis met haar, maar sy bly nie weg van hom af nie. Waarna is Stef op soek?
Lindie probeer vriende maak met Dougie. Mike lig sy vennote in dat hy eers 'n probleem moet oplos voordat hulle met die transaksie kan voortgaan.
Mike stel vir Lindie en Chris 'n lokval. Charl moedig Carlo aan om terug te gaan Italië toe sodat hy Isabel vir homself kan hê. Sussie raak al meer agterdogtig oor die geheimsinnige Stef.
Stef word deur Sussie betrap waar hy in Fritz se kelder snuffel. Mike is die onskuld self as hy saam met Astrid en Dougie gis oor wie hulle ingedoen het met die diamante.
Isabel en Carlo se verhouding is steeds onder druk. Sussie en Hein smee planne om van Elsa ontslae te raak. Petrus en Marius gaan 'n weddenskap aan oor Vicky, en Fritz se lot is swaar...
Na 'n lang gesoekery kom Stef uiteindelik op 'n bewustelose Fritz af in die kelder. Fritz word hospitaal toe geneem en almal by die Villa sukkel geskok om die gebeure te verwerk.
Astrid en Mike wil voordeel trek uit Fritz se toestand. Alex se teenwoordigheid veroorsaak spanning. Sussie en Elsa sukkel om langs dieselfde vuur te sit. Charl bring goeie en slegte nuus.
As Fritz terugkeer van die hospitaal af raak dit gou duidelik dat hy nie 'n maklike pasiënt gaan wees nie. Chris het ontstellende nuus wat groot implikasies dra vir die Villa se mense...
Vicky en Petrus het 'n opwindende dag gehad en Marius sukkel om sy jaloesie weg te steek. Daar wag 'n groot skok op Lindie as nog iemand uit haar verlede by die villa opdaag.
Lindie probeer tevergeefs draaie om Lukas Els loop. Hy speel kat en muis met haar, Astrid en Mike. Elsa steek haar neus in Stef se sake. Mike vind uit Astrid wil hom inloop.
Stef waarsku Charl om uit sy pad te bly, en Lukas jaag Astrid, Mike en Lindie se senuwees op hol. Alex is entoesiasties oor sy toekoms, en Fritz maak 'n skokkende ontdekking.
Petrus en Marius se stryd om Vicky se hart duur voort. Lukas het vir Lindie net waar hy haar wil hê. Mike speel sy laaste troefkaart as Astrid besluit sy wil niks met hom te doen hê nie.
Mike pers vir Astrid af, en Alex druk onbewustelik al Charl se verkeerde knoppies. Prokureur Van Romburg maak die bepalings van Natasha se testament bekend.
Charl het genoeg gehad van Isabel se selfsug. Gaan Alex se vrygewigheid hom in die moeilikheid laat beland? Astrid rig 'n waarskuwing aan Mike.
Wanneer Charl hoor Stef is sy broer voel dit vir hom of hy niemand meer aan sy kant het nie. Astrid maak gebruik van sy weerloosheid en begin die eerste drade van haar web om hom spin.
Die spanning tussen Charl en Fritz laai op. Lindie geniet die mag wat sy oor Astrid het, maar kan dit dalk net te ver druk. Marius doen moeite om vir Vicky te beïndruk.
Vicky vind uit van Marius en Petrus se weddenskap oor haar, en wil wraak neem op hulle. Mike stel soveel eise aan Astrid dat dinge vir haar ondraaglik word.
Dit lyk of Astrid en Mike se gholfbaanontwikkeling 'n werklikheid gaan word, maar Astrid is in der waarheid besig met 'n bose plan. Marius en Petrus se stryd om Vicky se liefde duur voort.
Stef bied aan om Charl se regsverteenwoordiger te wees en slaag daarin om Charl op borg te kry. Fritz bieg by Stef dat sy sig besig is om terug te kom.
Die geheimsinnige verdwynings in die Villa het almal op hol. Alex is hoogs ontstoke as sy verlede weer voor sy gesig gegooi word. Petrus spandeer al sy geld op Vicky.
Sake versleg tussen Isabel en Charl, en Alex begin vir haar veiligheid vrees. Vicky sukkel om weg te steek dat sy eintlik smoorverlief op Marius is. Die Villa se dief slaan weer toe.
Fritz het wonderlike nuus, maar voordat hy dit kan bekend maak, gebeur iets wat hom dwing om die waarheid vir 'n wyle te verswyg.
Marius laat Lindie verstaan dat hulle nag van passie niks beteken nie en sy neem wraak. Henk erken hy het gesteel, Anthony kry 'n onverwagte besoeker. Dan word 'n ou skat herontdek.
Isabel konfronteer vir Astrid oor die Milaan kontrak. Marius het genoeg gehad en besluit hy moet wegkom uit Bloemfontein. Is die Villa se ware skat uiteindelik gevind...
Cheryl wil nie 'n voet uit Anthony se woonstel versit nie, maar steek die rede daarvoor weg. Lindie sweep Vicky subtiel teen Marius op. Astrid en Mike se komplot teen Stef neem vorm aan.
Petrus besluit om sy tasse te pak en ander blyplek te kry. Fritz konfronteer Charl en Charl besef dat hy lelik aangejaag het. Het Mike iets te doen met Alex se verdwyning?
Daar daag 'n nuwe gas by die Villa op. Anthony soek raad by Fritz oor Cheryl se vreemde optrede, en Isabel en Charl moet vinnig optree as Mike en Astrid hulle dreigemente begin verskerp...
Isabel nader Stef weer 'n keer om hulp, 'n vriendelike man jaag Petrus die skrik op die lyf, Sussie is agterdogtig oor Hein en Vicky, en Stef swig onder Desiré se sjarme.
Fritz nooi 'n klomp gaste om by die Villa te kom eet. Almal kuier vrolik tot daar twee polisiemanne by die partytjie opdaag...
Stef se toekoms lyk skielik baie donker. Charl is woedend oor wat Mike en Astrid aan Stef gedoen het en probeer hulle dwing om die kwaad ongedaan te maak.
Sussie maak gereed vir die groot reünie en oom Gerhard kom help by die gastehuis. Stef probeer sin maak uit die gebeure rondom die beweerde verkragting, en Charl kry 'n onwelkome besoeker.
Stef se verloofde in Holland is ontsteld oor die verkragtingsaak en wil nie rede insien nie. Fritz kry nuus oor die veldponde. Astrid probeer om haar bose plan met Mike voort te sit.
Sussie voel vir die eerste keer in 'n lang tyd of haar lewe weer op koers is. Stef se verloofde daag by die Villa op en Desiré maak 'n onwelkome draai by Astrid-hulle.
Die spanning tussen Stef en sy verloofde bereik breekpunt. Anthony is steeds bekommerd oor Cheryl se toekoms. Fritz is verpletter oor Charl se besluit om vir Astrid se plan te stem.
Fritz verras Stef met 'n besluit oor die kosbare veldponde. Marius gooi verniet flikkers by Vicky. Anthony en Cheryl is van voor af smoorverlief, maar dan gebeur daar iets...
Fritz wend 'n poging aan om met Charl vrede te maak. Stef sien toevallig vir Desiré in Bakgat maar hanteer die situasie heeltemal verkeerd. Mike is keelvol vir Astrid.
Astrid smeek Fritz om nie 'n saak teen haar te maak nie. Charl is gefrustreerd omdat Isabel hom so koud behandel, en Nina begin Stef vermy. Almal maak reg vir Henk se afskeidspartytjie.
'n Vriend van Hein kom kuier, Henk neem afskeid, en Anthony word wreed ontnugter. Gaan Petrus se waarneming oor Desiré uiteindelik deure oopmaak vir Stef se verlore saak?
Charl moet noodgedwonge teenoor Isabel bieg wanneer Desiré weer by die loft opdaag. Astrid lieg om haar spore uit te vee en dit lyk of sy alweer met haar duiwelstreke gaan wegkom.
Cheryl gaan voort met haar plan om vir Desiré te ontmasker. Alex kry 'n nuwe uitdaging, maar Charl worstel met sy skuldgevoelens.
Anthony is erg bekommerd oor Cheryl en haar snuffelwerk. Nina probeer tevergeefs haar verhouding met Stef herstel en Sakkie maak weer 'n plan om Sussie se onverdeelde aandag te kry.
Anthony is bekommerd oor Cheryl se veiligheid, sy weier egter om haar speurwerk te los. Nina doen haar bes om die krake in haar en Stef se verhouding te herstel.
Anthony voel Cheryl skeep hom af. Alex forseer Charl om 'n A.A -vergadering by te woon, en Sakkie en Hein kuier vir die eerste keer behoorlik saam.
Charl doen sy bes om almal te oortuig dat hy werk aan sy drankprobleem. Cheryl se plan verloop vlot. Astrid spin haar web en Petrus is die gewillige prooi.
Charl drink steeds skelm en Astrid geniet haar speletjie met die verliefde Petrus. Alex kry groot nuus, terwyl Sakkie nie vir Sussie kan uitlos nie. Stef en Nina dryf verder weg van mekaar.
Die bom bars vir Astrid en Mike, maar uiteindelik is Stef se naam in ere herstel. Anthony en Cheryl se verhouding blom. 'n Warm verrassing wag vir Petrus in Astrid se loft.
Petrus is in die sewende hemel maar Astrid waarsku hom dat niemand van hul verhouding mag weet nie. Charl neem 'n belangrike besluit.
Saskia soek bewyse dat haar suster nog lewe, en Liam maak vinnig 'n slinkse plan. Chubby probeer Celine aan sy kant kry en Eben vra haar om die aand saam met hom uit te gaan. Lida vertel vir Fritz wat sy in die werkskamer aanmekaar slaan.
Dis 'n hartseer dag vir Stef en Nina. Petrus raak verder verstrengel in Astrid se web. Fritz kry onverwagte nuus uit Frankryk.
Sussie haal steeds allerhande streke uit om die niksvermoedende Hein te verlei. 'n Hartseer Nina staan op vertrek. Wanneer Mari Noisette by die Villa opdaag, begin die poppe dadelik dans.
Fritz en Mari stamp koppe oor Stef, en Mari neem haar voor om nie meer skuldig te voel oor die verlede nie. Astrid kom op 'n baie belangrike dokument van Shane af.
Mari is nog lank nie klaar met Stef Joubert nie... Sussie beraam 'n nuwe plan om die liefdesvure aan te steek, terwyl Marius en Vicky uiteindelik hul internet-liefdes gaan ontmoet.
Dis 'n groot dag vir Marius, maar die pad na geluk is met klippe besaai. Vis keer terug uit Lesotho met goeie nuus vir Mike. Mari maak dit duidelik dat sy nie vir Stef vertrou nie.
Lindie besef sy sal nooit met Marius versoen raak nie en neem 'n groot besluit. Mike dring daarop aan dat hy en Astrid as egpaar in Bloemfontein se sosiale kringe beweeg.
Alex neem afskeid, Petrus se liefde vir Astrid begin obsessief raak en Hein begin om sy lewe weer op te kikker.
Vicky vind die waarheid uit oor haar internet-kêrel. Astrid kry presies wat sy wil hê en span haar web nouer om die stomme Petrus.
Sussie is verlig as die vermiste horlosie opgespoor word, maar dis nog lank nie die einde van haar probleme nie. Mike hou nie rekening met Vis se skelmstreke nie.
Lindie besef sy is nie meer welkom in die Villa nie. Petrus loop 'n bloutjie met Astrid, terwyl Vis verder agter Mike se rug konkel.
Vis se agteraf gekonkel werp vrugte af. Nina het goeie nuus vir Stef en 'n besoeker by die Villa kry 'n koue ontvangs by Vicky.
Dis 'n groot dag vir Astrid, maar Mike maan haar om steeds versigtig te wees vir die nuuskierige Cheryl. Hein kry die verrassing van sy lewe.
Vis is steeds besig met slawehandel, maar dinge verloop nie heeltemal volgens plan nie. Isabel ontvang nog 'n bos rose van haar geheime bewonderaar. Erika is opsoek na haar baba.
Vis vra dringend hulp by Anthony. Cheryl glo nie Astrid se storie oor Erika se baba nie, maar sy sukkel om bewyse teen haar te kry. Ansu moet besluit of sy in Bloemfontein gaan aanbly.
Henri het sy hande vol met 'n baie veeleisende bruid. 'n Interessante gas boek by die Villa in, Mike vind uit Vis het agter sy rug gekonkel, en Anthony bring skokkende nuus.
Die Villa is onder kwarantyn. Daar is nie genoeg entstof nie en Charl bied aan om daarsonder te bly terwyl sy halfbroer by sy vrou tuisgaan.
Die Villa se inwoners deel almal op hulle eie manier met die kwarantyn. Astrid is baie gelukkig met haar en Lindie se vordering en dat Mike in die Villa opgesluit is.
Vicky vertel vir Marius wat Ansu 'n jaar gelede aan haar gedoen het. Stef waarsku Isabel teen Astrid, terwyl Petrus voortgaan met sy planne vir 'n karaoke-aand in Bakgat.
Astrid skop Petrus uit die loft maar hulle maak weer op. Charl bly tam, Sussie voel die dood op haar hakke, en Thelmi is in 'n toestand oor haar verpletterde drome.
Dis 'n dag van blye herontmoeting as die kwarantyn uiteindelik opgehef word. Die Majoor en Gerhard stamp weer koppe. Charl het 'n eienaardige blou kol op sy arm wat Isabel bekommerd laat.
Sussie is baie ontsteld oor Henri se skielike verdwyning en is heeltemal onbewus van Hein en Ansu se ongemak. Astrid geniet haar oomblik van glorie.
Charl besluit om Dolf se hulp te vra sodat hulle die man wat Isabel teister kan vastrek. Sussie is onbewus van die elektrisiteit tussen Hein en Ansu. Mike waarsku Astrid teen Cheryl.
Ansu bieg teenoor Hein dat sy 'n verhouding met Vicky se verloofde gehad het. Isabel is seker Mike is die bekruiper en Charl sit Dolf op sy spoor. Lindie word onaangenaam verras in Bakgat.
Dit lyk of Isabel se bekruiper koue voete gekry het. Cheryl is meer vasberade as ooit om Astrid te ontbloot vir wie en wat sy is.
Nina is ontsteld wanneer sy uitvind Stef het vir hulle 'n voorhuwelikse kontrak laat opstel. Anthony dring daarop aan dat Charl hospitaal toe gaan vir toetse.
Daar hang 'n donker wolk oor Petrus se verhouding met Astrid. Mike vind iets uit wat hy eerder nie moes nie. Hein se tasse is gepak. Is dit die einde van Sussie se sprokieshuwelik?
Hein smeek Sussie om vir hom 'n tweede kans te gee. Stef het goeie nuus vir die Villa. Marius kry pos uit Holland. Astrid besluit sy het genoeg gehad en roep Vis se hulp teen Mike in.
Charl weier om te glo hy het leukemie, en Isabel soek troos by 'n uiters ondersteunende Dolf. Vis nooi Mike om saam te gaan visvang en Hein kan maar net nie van Ansu af wegbly nie.
Charl se toestand vererger en hy tree irrasioneel op. Marius vind uit dat sy pa op sy sterfbed lê. Astrid en Vis se plan om Mike te vermoor, tree in werking maar daar is struikelblokke...
Astrid en Vis het groot probleme nadat Anthony hulle plan onbewustelik in die wiele gery het. Sussie maak 'n hartsbesluit. Charl los vir Isabel alleen en weerloos by die huis...
Isabel se aanhouding neem 'n onverwagse wending. Fritz probeer Hein en Sussie bystaan in die moeilike tyd. Astrid skrik as sy besef Cheryl vermoed sy was by Mike se selfmoord betrokke.
Charl, Isabel en die res van die Villa se mense probeer die Dolf-situasie verwerk. Inspekteur Le Roux begin ondersoek instel na Mike se selfmoordpoging en Astrid is eerste op hulle lys.
Mike is baie gefrustreerd omdat hy niks kan onthou nie, en Astrid buit die situasie ten volle uit. Charl kry sy bloedtoetsuitslae. Hein vertel wat sy toekomsplanne is.
Astrid lei Mike nog steeds om die bos oor watter soort mens hy in werklikheid is. Petrus loop 'n bloutjie. Marius keer terug van Nederland, met 'n verrassing.
Charl is positief na sy eerste chemo-sessie, maar dan hoor hy iets wat hom baie ontstel. Petrus word weer deur Astrid verneder en dit lei daartoe dat hy iets baie onverskilligs aanvang.
Rita laat 'n paar wenkbroue in die Villa lig wanneer sy die kombuis oorneem. Mike verkeer steeds onder 'n wanindruk en vra moeilike vrae. Hein groet die Villa.
Astrid word verras met 'n aflewering. Vicky merk onraad in Bakgat se boeke. Charl se oordeel laat hom in die steek en hy moet die gevolge dra.
Mike onthou iets uit sy verlede. Astrid gooi gifsaad by die Villa en probeer Nina se simpatie wen. Cheryl en Rita stamp koppe.
Isabel vind Sam se raad ontstellend. Cheryl is nie beïndruk deur wat sy sien in Bakgat nie. Petrus kom af op iets wat sy opinie oor Astrid verander. Charl neem 'n ernstige besluit.
Rita begaan 'n blaps en Cheryl red die situasie. Mike kry ontstellende nuus. Stef is gefrustreerd met Charl se houding teenoor hom. Petrus neem 'n belangrike besluit.
Charl kry die bloedtoets uitslae. Rita neem 'n drastiese besluit en die Villa moet van vooraf na 'n huishoudster soek. Mike begin stadig maar seker onthou wie en wat hy, en Astrid, is.
Charl moet vir Stef 'n groot guns vra. Marius se eerste dag as onderwyser begin, en Anthony buit Cheryl se jaloesie uit. Hoe lank nog voor Astrid se leuens haar inhaal?
Fritz en Sam se vriendskap word by die dag hegter. Nina stel tot Astrid se afgryse 'n nuwe gasvrou aan. Mike herwin sy geheue, en hy is op die oorlogspad.
Mike dreig Astrid met die dood, maar sy speel 'n troefkaart. Fritz en Isabel probeer Charl steeds oortuig om Stef as stamselskenker te aanvaar. Petrus is bang Mike gaan wraak neem op hom.
Die jong manne kan nie genoeg doen vir die beeldskone nuwe gasvrou van die Villa nie. Die een is selfs oortuig dat Tessa sy sielsgenoot is...
Mike en Astrid gaan voort met hulle bose planne, terwyl Charl en Isabel die spanning van sy siekte al meer begin voel. Fritz en Sam maak hulle harte oop teenoor mekaar.
Charl oorweeg dit al sterker om Mike se aanbod van 'n skenker te aanvaar. Fritz kry onverwags goeie nuus by Anthony, terwyl Sussie vir toetse gaan om 'n stamselskenker te word.
Nina het nie die moed om enigiemand te vertel van die ontdekking op die foto nie. 'n Dierbare ou dame kom bly in die Villa. Vicky maak 'n drastiese besluit.
Nina probeer uitvind wat Charl en Mike se verbintenis is. Charl moet geld in die hande kry vir sy operasie. Net as Fritz dink alles verloop vlot tussen hom en Sam, gebeur die ondenkbare.
Sam begin afskeid neem van die Villa se mense. Cheryl reken sy het vir Astrid net waar sy haar wil hê, maar dit lei tot 'n argument tussen haar en Anthony.
Stef soek witvoetjie by Nina en maak 'n voorstel oor hulle troue. Stef vra Sussie vir 'n guns en Marius kom gesels besigheid met Fritz.
Anthony en Nina spring rond om Dorie se las minder te maak. Petrus kry 'n splinternuwe plan om sy geldsake 'n hupstoot te gee. Nina konfronteer vir Charl.
Petrus skilder sy eerste "meesterstuk" en Stef kry sy eerste dansles. Isabel waarsku Astrid om haar gekonkel te staak. 'n Ete by Isabel se loft sorg vir vele onderstrominge.
Alecia is steeds hartseer omdat sy moet weggaan en Marius probeer sy eie gevoelens wegsteek. Charl word net sieker en vestig nou al sy hoop op Mike nadat hy hom betaal het.
Charl is verpletter oor wat Mike hom aangedoen het. Alecia gee vir Marius die brief wat hulle pa voor sy dood vir hom geskryf het.
Cheryl is oorgehaal om Mike uit te vang. Charl bely uiteindelik die waarheid teenoor Isabel, en Isabel neem aksie. Hoe lank gaan Astrid en Mike hulle "onskuld" kan voorhou?
Charl weier steeds om Stef as skenker te aanvaar. Vicky sal enigiets doen om Nina se strooimeisie te wees terwyl Cheryl in die moeilikheid beland by die koerant.
Almal is in skok oor die agteruitgang in Charl se toestand. Sussie se leuens veroorsaak dat sy in 'n lelike dilemma beland as besoekers opdaag.
Marius is onseker of hy sy erfporsie moet aanvaar, en Cheryl glo Mike het haar 'n rat voor die oë gedraai. Sussie se leuens haal haar in en groot verwarring breek los.
Sussie steeds nie haar egskeiding met haar ouers bespreek nie. Isabel moet finaal besluit of sy gaan teken dat Stef se stamselle in Charl oorgeplant mag word.
Nina ontferm haar oor Isabel, en hulle vriendskap word al hegter. Cheryl is woedend dat Astrid haar loopbaan wil ruïneer. Sussie kry onverwags 'n besoeker...
Daniël kom bly in die Villa. Fritz en Nina weier dat Stef vir Isabel bedrieg aangaande die stamsel-skenking. Astrid kry 'n plan om Cheryl te ruïneer.
Astrid besluit om vir Cheryl 'n strik te stel. Moekie besluit dat Daniël 'n baie beter trouman is as Hein maar Fritz waarsku haar om nie in te meng in Sussie se lewe nie.
Daniël is vasberade om Sussie se hart te wen. Cheryl kry een skok na die ander. Vicky dink Marius reël vir haar 'n verrassing, terwyl hy onbewus is haar verjaarsdag is om die draai.
Anthony sukkel om Cheryl se buie te hanteer. Isabel keer terug van die hospitaal af met ongelooflike nuus, en Sussie besef sy is nog lank nie oor Hein nie.
Sussie en Daniël is ongemaklik in mekaar se geselskap nadat hy haar amper gesoen het. Astrid wil Cheryl finaal breek en daar is uiteindelik 'n verandering in Charl se toestand.
Dis die dag van Charl se oorplanting en spanning loop hoog. Cheryl is vasbeslote om die weefselsindikaat te ontbloot. Isabel wil op die laaste oomblik kop uittrek.
Na afloop van die stamseloorplanting is almal maar taamlik emosioneel en bekommerd dat dit nie suksesvol gaan wees nie. Intussen smee Astrid verder aan haar bose planne.
Charl se oorplanting het goed afgeloop, maar sy toestand het nog nie verbeter nie. Cheryl kry 'n waarskuwing dat haar lewe in gevaar is.
Cheryl kan nie haar onrus oor Anthony afskud nie. Sussie is gespanne oor die komende skeisaak, en Daniël leen geld by Mike.
Die probleme tussen Anthony en Cheryl bereik breekpunt. Almal is baie opgewonde oor Charl se tuiskoms en Charl pols Isabel oor die identiteit van sy skenker.
Dis die dag wat Sussie se skeisaak voorkom en almal probeer haar ondersteun. Die leuen oor Charl se skenker keil Isabel op. Gaan sy hom permanent verloor as die waarheid uitkom?
Mike maak Cheryl weereens agterdogtig oor Anthony, en Charl kan nie die gevoel afgeskud kry dat Isabel iets vir hom wegsteek nie.
Daniël beplan 'n verrassing vir Sussie maar as Marius in die knyp is, maak hy 'n grootmoedige opoffering. Cheryl vind uit wie vir die drama rondom die stamsel-storie verantwoordelik is.
Dinge tussen Daniël en Sussie is steeds 'n mengsel van ongemak en opwinding. Stef reik uit na Charl, wat instem om tentatief die vrede te herstel - al is dit net vir Fritz se onthalwe.
Cheryl se speurwerk maak Astrid benoud, maar Mike dink hulle is onaantasbaar. Isabel kan die skuldgevoelens nie meer hanteer nie en besluit om vir Charl die waarheid te vertel.
Dis die dag van die Kers-piekniek en Sussie staan bont om alles te organiseer. Astrid sweer wraak teen die Retiefs. Uiteindelik word Daniël se geduld met Sussie ryklik beloon...
Astrid is baie bekommerd oor Cheryl se navorsing maar geniet nogtans 'n klein oorwinning oor die Retiefs. Isabel kry slegte nuus.
Cheryl en Anthony is frustreerd is omdat hulle ondersoek teen Astrid nie vorder nie. Stef besluit om Charl te gaan sien en loop hom vas in 'n muur van haat.
Die situasie tussen Stef en Charl versleg verder wanneer Charl vir Stef bel met skokkende nuus. 'n Gebroke Isabel besef die liefde van haar lewe het haar nie meer lief nie.
Die einde van die jaar is om die draai en 'n bekende kunstenaar boek by die Villa in. Dis egter ook tyd vir afskeid: Villa Rosa moet 'n hele paar geliefdes saam met die ou jaar groet.
Cheryl en Anthony besef dat Astrid alles in haar vermoë gaan doen om hulle te stuit, maar Cheryl gee nie sommer op nie. Charl sien 'n nuwe sy van Isabel.
Astrid dring aan dat Mike vir Cheryl van die gras afmaak, maar hy weier. Isabel trek by die Villa in. Fritz pleit by Charl om Stef te verdra, maar Charl is onwrikbaar.
Nina besluit om Astrid te konfronteer oor al die hartseer wat sy veroorsaak het. Mike en Astrid is baie ontsteld oor 'n advertensie wat Cheryl geplaas het.
Isabel en Charl probeer baie hard om weer hulle huwelik op koers te kry. Anthony en Cheryl waarsku Nina teen Astrid, terwyl Sussie oortuig is sy het vir Hein in die winkelsentrum gesien.
Sussie word steeds vermis. Petrus kry skielik 'n ingewing waar om haar te gaan soek. Vis daag onverwags by die Villa op. Sy voorwaardes aan Anthony en Cheryl vang hulle ietwat onkant.
Petrus vertel vir Fritz hy het Sussie opgespoor en Stef word by Anthony en Cheryl se planne betrek. Fritz besluit genoeg is genoeg, en sit sy voet neer.
Cheryl en Anthony is half verlore nou dat die ondersoek tot 'n einde kom terwyl Vis vreesbevange is dat Astrid en Mike hom sal opspoor. Charl maak 'n belangrike besluit.
Stef is verpletter as hy vir Fritz die slegte nuus oor hom en Nina gee. 'n Geskokte Sumien vertel van haar nagmerrie ervaring, en Cheryl is bang na Astrid se dreigemente.
Cheryl word ontvoer en word blootgestel aan ure van marteling. Gaan Anthony en Stef haar betyds kry, of gaan sy hulle nooit weer sien nie?
Cheryl is nog steeds in Astrid-hulle se kloue en Mike raak al hoe meer gewelddadig. Anthony probeer Cheryl desperaat opspoor. Sumien herleef haar aand van angs.
Charl se drome wil hom maar net nie met rus laat nie. Petrus het dringend geld nodig om sy studies ter hervat. En inspekteur Le Roux bring baie slegte nuus.
Astrid vind uit Vis is nie meer by die Villa nie. Sumien sukkel om haar traumatiese ervaring te verwerk en dan hoor sy boonop haar aanvaller is steeds op vrye voet.
Anthony en Stef word gearresteer. Marius en Vicky stamp koppe oor Bakgat en Astrid kry 'n onaangename verrassing.
Petrus beïndruk Vicky met sy goeie idees en Sumien vra uiteindelik hulp. Anthony bevestig sy liefde vir Cheryl, terwyl Sussie met Marius se hulp 'n verrassing reël.
Charl raak al hoe meer ongemaklik met Isabel en Stef se vriendskap. Petrus steur hom min aan ander se waarskuwings oor sy geldmaakskema. Almal is baie nuuskierig oor Sussie se verrassing.
Die nuwe gas in die Villa soek die hele tyd Fritz se geselskap op, terwyl Sumien finaal besluit om haar reg te ruk. Astrid sukkel om onder Mike se wakende oog uit te kom.
Mike ontneem Astrid van alle kontak met die buitewèreld en dit dryf haar teen die mure uit. Fritz moet bontstaan om Adele te ontlglip. Cheryl se agterdog jeens Anthony groei.
Die Villa se mense is geskok om te hoor by wie Sumien werk gekry het. Die gas, Adèle Mackintosh, is in 'n toestand: haar kosbare kristalglase het skielik spoorloos verdwyn.
Anthony is geskok as hy uitvind dat Cheryl hom van ontrouheid verdink. Petrus voel sleg oor hy Sussie by die e-pos storie betrek het en probeer daarvoor vergoed. Marius kry goeie nuus.
Sussie wil 'n vergadering vir die Villa se aandeelhouers belê, maar sy is onseker of sy Astrid daarby moet insluit. Intussen vra Astrid vir Sumien om vir haar 'n selfoon te gaan koop...
Cheryl vind iets oor Lerato uit wat haar nog minder van haar laat hou. Fritz verjaag Mike by die Villa en Astrid moet dit later ontgeld.
Mike verdien ekstra punte by Sumien, terwyl Lerato daarop aandring om haar eie drome uit te leef. Anthony sukkel om vrede te maak tussen die twee vrouens in sy lewe.
Inspekteur Le Roux konfronteer Mike oor die dossier wat verdwyn het. Die verhouding tussen Charl en Stef word opnuut versuur en Fritz dreig om aan die projek te onttrek.
Astrid lees in die koerant Sumien se kaper is vermoor. Isabel waarsku Cheryl om nie tussen Anthony en Lerato te probeer kom nie.
Dis Valentynsdag! Anthony het vir hom en Cheryl 'n romantiese aand gereël, en Lerato het haar eie onderduimse planne. Met die res van die Villa Rosers gaan dit nie so rooskleurig nie...
Charl en Isabel het 'n groot uitval op Valentynsaand. Vicky maak haar hart oop teenoor Stef. Mike glo Astrid konkel steeds agter sy rug met Vis en lig weer sy hand vir haar...
Die situasie met Lerato raak nou vir Cheryl onuithoudbaar. Sumien kom agter dat Mike van al haar bewegings weet en sy bespreek haar vrese met Stef. Marius probeer om Vicky terug te wen.
Almal is in rep en roer voor die Valentynspartytjie by Bakgat. Wat vir Marius 'n spesiale aand sou wees, verloop egter heel anders as beplan.
Astrid ontmoet vir Vis en probeer hom oorreed om saam met haar teen Mike te werk. 'n Hewige uitbarsting tussen Stef en Charl het skokkende gevolge.
Fritz word inderhaas hospitaal toe geneem en tot Isabel se ontsteltenis baklei Charl en Stef net verder. Intussen stel Mike vir Vis 'n lokval. Die spanning bereik breekpunt by die Villa.
Fritz voel beter, maar hy is nog lank nie klaar met sy twee seuns nie. Astrid oortuig Sumien dat haar lewe in gevaar is, en Sumien willig in om haar te help.
Marius haal sy irritasie op Petrus uit terwyl Anthony daarop aandring dat Fritz hom die volgende paar dae rustig moet gedra. Sumien klop weer by Stef aan vir regsadvies.
Petrus is verlief op Sumien, maar dit blyk Sumien se belangstelling lê by Stef. Astrid speel met Vis se gevoelens om seker te maak hy raak ontslae van Mike. Gaan Vis daarvoor val?
Petrus is op 'n missie om Sumien se hart te wen maar besef nie dat Sumien in 'n ander rigting loer nie. Astrid ontvang 'n geskenk van Vis wat sy probeer gebruik om Mike jaloers te maak.
Astrid speel Mike en Vis slim teen mekaar af. Fritz en Stef sit vas oor die waarde van die internet teenoor boeke. Cheryl sien Lerato ná donker by die Villa wegglip.
Anthony trap vir Lerato uit oor haar laataandkuiery, maar tot Cheryl se weersin draai Lerato hom steeds om haar pinkie. Astrid sit meer druk op Vis om van Mike ontslae te raak.
Charl hoor 'n gesprek tussen Isabel en Vicky maak die verkeerde gevolgtrekking. Cheryl se geldsake is nie wat dit moet wees nie. Sumien ontdek Mike weet dat Astrid en Vis kontak het.
'n Onverwagse gas boek by die Villa in. Astrid probeer Mike aan die neus rondlei. Cheryl raak bekommerd as sy al hoe meer rekeninge kry.
Mari stel haar plan met Astrid in werking, en dit lyk of Astrid daarvoor val. Of is Astrid alweer te uitgeslape vir almal?
Cheryl kry troukoors, en is oortuig dat sy gou vir Anthony ingekatrol sal kry. Mari en Astrid se dokument-fete duur voort, terwyl Charl versigtig-optimisties hoop dat sy ouers sal versoen.
Vis kry 'n plan hoe om van Mike ontslae te raak, terwyl Mari die waardevolle dokument wat sy gekoop het, soos 'n wortel voor Astrid se neus hou.
Astrid is baie in haar skik met haar oorwinning maar Mari het 'n verrassing vir haar. Cheryl se finansiële probleme versleg, terwyl Petrus 'n onverwagse meevallertjie kry.
Astrid ontdek Mike se wegsteekplek van die dossiere. Stef kry pos van Nina af, en sy worsteling binne homself begin van nuuts af. Cheryl staar 'n finansiële krisis in die gesig.
Lerato lei vir Sumien op die verkeerde pad, en Mike kom agter dat alles nie pluis is tussen hom en Astrid nie. Cheryl dra vir Anthony op die hande, terwyl Mike vir Vis konfronteer.
Lerato laat vir Vicky twyfel in haar eie talent. Mike kom agter dat daar meer steek in Vis se stelling as wat hy vermoed het. Anthony dra 'n diamantring saam met hom rond...
Cheryl se geldelike verknorsing vererger by die dag. Vis kan dit nie verdra dat Astrid verkies om by Mike te bly nie en vra raad by Sussie.
Vis se obsessie met Astrid is besig om hom emosioneel te verwoes. Cheryl se kooplus het nie perke nie. Sumien se obsessie met haar gewig ontketen 'n rusie tussen haar en Stef.
Fritz is teleurgesteld is dat Gerhard nog steeds nie tyd het om saam met hom te kuier nie. Anthony vermaan Lerato om versigtiger met geld te werk, en Vis is gebroke oor Astrid.
Astrid is in 'n toestand omdat sy nie Mike se testament kan kry nie. Lerato vertel vir Anthony van Cheryl se probleme en Anthony begin twyfel oor sy verhouding.
Almal skinder oor wat met Mike gebeur het, terwyl Sumien se jaloesie weer kop uitsteek as sy vir Vicky en Stef saam sien. Sussie vind uit wat Gerhard wegsteek.
Sumien se voorkoms laat Fritz rooi sien. Cheryl daag by die Villa op en haar nuwe toekomsplanne is vir almal 'n groot skok. 'n Geliefde gas neem afskeid.
Astrid ontdek Mike se testament en is verbaas as sy sien sy is nie die enigste erfgenaam nie. Anthony is hartseer oor Cheryl. 'n Misverstand bring verwydering tussen Isabel en Charl.
Fritz is nie gelukkig met Petrus, Sumien of Gerhard se optrede nie, en vat die inwoners vas. Anthony kry vir Lerato voor stok. Fritz is sprakeloos as 'n ou bekende uit die bloute opdaag.
- Saskia soek bewyse dat haar suster nog lewe, en Liam maak vinnig 'n slinkse plan. Chubby probeer Celine aan sy kant kry en Eben vra haar om die aand saam met hom uit te gaan. Lida vertel vir Fritz wat sy in die werkskamer aanmekaar slaan.
- Seasons6
Recommended
Bundle it: Entertainment + Premier League
Get the best of both. Watch hit series, movies, African Originals and more plus stream Premier League and all PSL matches live on mobile.
ONLY
R140