Ouboet En Wors, Episode 22

Ouboet en Wors deel hulle drome. Die een wou nog altyd 'n "pilot" word en die ander, wou nog altyd die Lotto wen. Gielie vertel vir almal dat Dakota swanger is en dat Boeboe, ouma gaan word.

Boeboe se uitbreidingsplanne vir die salon, veroorsaak dat Yollie en Molly in rep en roer is. Gielie word bederf, nadat Ouboet en Wors sy middagete opgeëet het.

Boeboe is vies vir Dakota, omdat sy eers 03:30 by die huis opdaag. Hendrikkie dink Gert kyk na onskuldige "musicals" op sy selfoon. Gielie vra waarom hy losies en kos by sy huis moet betaal.

Gielie prikkel Ouboet en Wors se belangstelling met 'n speelding. Dakota wil 'n "tattoo" kry. Ouboet en Wors het té lekker gekuier en moet nou probeer opmaak met Yollie en Molly.

Yollie vra vir Ouboet om saam met haar huis toe te gaan, sodat sy hom kan laat beter voel. Hendrikkie en Gert word gearresteer. Verkope lyk goed by Batteries by Wors.

Gielie is gepla met spoke. Boeboe, Ouboet en Wors is omgekrap omdat Gert 'n begrafnisonderneming op die sakeperseel wil begin. Hendrikkie dink dit is 'n goeie idee.

Wors se ou werk bied vir hom 'n pos aan by hulle nuwe tak. Gielie wonder wat nou van hom gaan word en Ouboet is bekommerd oor die dubbel huur wat hy nou sal moet betaal.

Ouboet wil tender vir 'n kontrak om die munisipaliteit se grassnyers reg te maak. Wors gee hom 'n goeie idee oor hoe om so 'n kontrak te kry. Molly wil met Wors praat oor hulle huwelik.

Hendrikkie is ontsteld omdat Gert skielik met olieverf kaal mans wil begin skilder. Ouboet vertel vir Hendrikkie van die misverstand tussen hom en Yollie die vorige aand.

Yollie hou 'n 'botox' partytjie vir haar vriendinne en Molly en Boeboe is genooi terwyl Ouboet in die garage moet F1 op die TV kyk. Gielie word gearresteer...

Ouboet wil 'n motorfiets koop en Yollie is bekommerd. Gielie laat per ongeluk iets op Twitter uitglip. Molly is op die oorlogspad.

Ouboet het groot probleme waaroor Gielie nie mag praat nie. Hendrikkie vat vir Ouboet teen sy sin na 'n vrouedokter toe sodat hy 'verligting' kan kry, maar Yollie is histeries daaroor.

Dakota is in groot moeilikheid omdat sy klere en grimering met Boeboe se kredietkaart oor die internet gekoop het. Gielie het ook iets baie belangrik wat hy op die internet gekoop het...

Gielie kom omgekrap by die werk aan omdat Wors die vorige aand minder geld vir hom inbetaal het vir sy salaris. Hendrikkie en Gert het 'n groot besluit om te neem.

Boeboe waarsku Hendrikkie dat hy en Gert nooit kinders moet kry nie. Dakota het weer aankope op die internet gemaak, maar die keer met haar eie kredietkaart.

Gielie kla omdat sy ma moeilik raak oor sy losies. Dakota wil paaldans klasse begin neem. Hendrikkie en Gielie het weer 'n onderonsie. Fogile het 'n afspraak met Fogatla...

Gielie het 'n baie aantreklike kliënt vir wie hy 'n battery moet vervang en besluit om vir haar afslag te gee. Boeboe en Dakota het 'n uitval oor een van Dakota se boyfriends.

Fogile voel glad nie lekker na die vorige aand se kuier by die Pienk Piesang Nagklub nie en Ouboet probeer hom gesond kry. Dakota het stilstuipe oor Boeboe se laat aande.

Dis 'n baie groot en belangrike dag vir Gielie wat eindig met 'n reuse verrassing. Ouboet kry 'n geweldige skok en Boeboe moet noodhulp toepas.

Gielie vertel vir Wors dat Boeboe waterpokkies het en dat dit baie aansteeklik is. Ouboet is bekommerd en vra vir hulp, want hy het skielik waterpokkies. Ook maar lekker stupid.